這盆朱頂紅有個故事。是幾年前回歸電台的時候，有位聽眾送給我的，記憶模糊，但係佢送來嘅應該係一個蔥頭同埋一件泥餅。
之後種出了很美麗的花兒。之後我問佢點處置，佢話掉咗佢就得。我覺得好似仲有生命，於是繼續種，於是佢間中又開下花。
有一年我去咗旅行，時間比較長，交咗俾屋企人種，返到嚟屋企人同我say sorry，話盆花死咗！
我見佢又好似死唔晒，於是我又換盆，又加泥，佢又再生返，今年佢又再開花啦。
雖然生得高咗啲，但係我哋唔係成日祝人哋快高長大嘅咩。
人生都係咁，以為冇路行，但係俾啲心機，變啲方法，總有出路。見到佢花枝招展，我就心花怒放。
#何嘉麗callmegaga #何嘉麗 #我是花農
#朱頂紅 #種花真係要俾心機
#唔得閒唔好種花
#冇耐性唔好種花
#冇恆心唔好種法
#種花同養寵物一樣不可隨便拋棄
Search